Noag se arkie

OOREENKOMS

Die Partye tot hierdie ooreenkoms (Pa/Ma/ Wettige Voog) en Elaine de Bruin (Hoof van Noag se arkie kleuterskool) kom die volgende ooreen: 1. Ure: 1.1 Die kleuterskool sal vanaf 7:00 oop wees
1.2 Halfdag-kleuters mag vanaf 13:00 gehaal word, maar nie later nie as 14:00.
1.3 Kleuters in die Vissieklas (2-3 jariges) slaap tot 13:45
1.4 Voldag-kleuters moet nie later nie as 17:30 gehaal word.
1.5 Wees stiptelik met die oplaai van kleuters. 2. Fooie 2.1 Die fooistruktuur vir die aanstaande akademiese jaar sal nader aan die begin van die nuwe jaar beskikbaar wees. U sal 'n dokument ontvang met al die nodige inligting daarin.
2.2 Skoolfooie is vooruitbetaalbaar voor of op die 2de dag van elke maand. Skoolfonds is 'n wettige verpligting. Biologiese/Aanneem-ouers is gesamentlik en afsonderlik verantwoordelik en verplig om die skoolfooie te betaal, ongeag van hul huwelikstatus. Dit bly dus die verantwoordelikheid van die ouer by wie die leerder(s) woonagtig is, om die inhoud van alle korrespondensie/kennisgewings aan die ander party oor te dra.
2.3 Noag se arkie is oop vakansies vir vakansie-sorg teen 'n fooi per dag. (Nie Desember vakansie nie)
2.4 Noag se arkie kan toegang weier indien die skoolfooie nie op datum is nie.
2.5 Rekeninge wat uitgestuur word is finaal en kry prioriteit indien daar 'n fout in die ooreenkoms is of daar per ongeluk verkeerde inligting aan ouers uitgegee is.
2.6 Die volle bedrag van bogenoemde fooie is betaalbaar, ongeag of die kleuter die kleuterskool bywoon of nie, weens siekte, openbare vakansiedae, vakansies of enige ander rede.
2.7 'n Intreefooi van R1200 is betaalbaar met registrasie. Daarna R500 aan die begin van elke jaar (herregistrasie).
2.8 Stappe sal geneem word indien skoolfonds nie betaal word nie, en rente mag bygevoeg word vir laat betalings.
2.9 Noag se arkie behou die reg om die ooreenkoms te verander indien dit nodig sou wees. 3 KENNIS 3.1. Indien enige van die partye die ooreenkoms wil beëindig moet die betrokke party die ander party een kalendermaand skriftelik kennis gee van die beëindiging van die ooreenkoms behalwe vir gevalle uitgesit in 3.4
3.2. November-maand word nie as kennismaand aanvaar nie
3.3. 1 Oktober is dus die laaste dag waarop kennis gegee kan word vir die jaar.
3.4 Noag se arkie mag die ooreenkoms onmiddellik beëindig in die volgende gevalle:
• Daar nie ooreengestem word oor die skoolfonds nie.
• Die kleuter se gedrag die ander kleuters benadeel of onaanvaarbaar is en nie verbeter nadat die kleuter aangespreek is nie.
• Die ouers se gedrag teen oor Noag se arkie of personeel as onaanvaarbaar gesien word.
• Beide partye ooreenstem dat die beter is om die ooreenkoms onmiddellik te beëindig. 4. SIEKTE EN MEDIKASIE 4.1 In navolging van die voorgeskrewe reëls van die Departement van Gesondheid sal kleuters wat gediagnoseer is met 'n aansteeklike siekte nie die kleuterskool bywoon nie. Dit geld ook vir erge verkoue en loopneus.
4.2 Indien 'n kleuter medikasie moet neem gedurende skoolure, sal die ouers die medikasie met duidelike voorskrifte vir die toediening daarvan, aan die persoon aan diens by die kleuterskool, oorhandig.
4.3 Die Ma/Pa/wettige voog onderneem om enige toestande, allergie, veral kosallergie, en ander relevante inligting wat die skool se benadering en behandeling van die kind en die kind se interaksie met ander kinders in die skool beïnvloed, onder die aandag van Noag se arkie te bring. Inligting wat ooreenkomstig hierdie klousule geopenbaar is, sal, indien so versoek, as streng vertroulik beskou word.
4.4 'n Afskrif van u kleuter se geboortesertifikaat en immuniseringssertifikaat word vereis 5 KLEUTERS 5.1 Kleuters wat by die kleuterskool afgelaai word, moet aan die persoon aan diens persoonlik oorhandig word.
5.2 Kleuters sal na afloop van die kleuterskool-verrigtinge aan haar/sy ouers of voog of ander persoon wat deur die ouer of voog aangewys is, persoonlik oorhandig word.
5.3 Kleuters moet skoon en netjies wees asook toepaslik aangetrek wees.
5.4 Langhare moet vas gemaak wees sodat dit nie in die kleuter se oë, verf of kos hang nie.
5.5 Kleuters mag nie hulle eie speelgoed skool toe bring nie.
5.6 Dit is belangrik dat kleuters op tyd opgetel word, dit skep stres vir die kleuter wat laat opgetel word. Ons verstaan noodgevalle gebeur. Na die derde keer kan Noag se arkie die ouers inroep om alternatiewe opsies te bespreek. 6 VRYWARING 6.1 Hiermee vrywaar ek, Pa / Ma / wettige voog* van die ('n minderjarige kind), Noag se arkie kleuterskool en sy personeellede teen enige skade en/of besering gely of opgedoen deur die genoemde minderjarige kind, uitgesonder skade en /of besering wat voortspruit uit die nalatige optrede van personeel, terwyl die kind die kleuterskool bywoon, aan kleuterskool-aktiwiteite deelneem en/of in die sorg van Noag se arkie.
6.2 Ondergetekende vrywaar ook Noag se arkie kleuterskool teen enige skade of besering opgedoen deur genoemde minderjarige kind tydens uitstappies en /of wanneer genoemde minderjarige kind vervoer word.

Hiermee verleen ek, Pa / Ma / wettige voog* van die ('n minderjarige kind), verder ook toestemming dat my kind mediese aandag tydens 'n noodgeval mag ontvang, indien ek of 'n behoorlike aangewese persoon nie dadelik gekontak kan word nie. Ek magtig Noag se arkie kleuterskool om die inligting vervat in die inskrywingsvorm oor te dra aan die mediese personeel en om nodige toelatingsvorms namens my te voltooi.

Hierdie vorm moet saam met die POPI Data Subject Rights vorm teruggestuur word.

TOESTEMMING OM PERSOONLIKE INLIGTING TE GEBRUIK EN VRYWARINGSVORM MET BETREKKING TOT LEERDERFOTO'S/-BEELDMATERIAAL en/of VIDEO'S

Merk u keuse by al die punte hieronder deur die toestemmingsboks te merk: